இருளில் தவிக்கும் கோட்டகுப்பம் பேருந்து நிலைய வளாகம்


கோட்டக்குப்பம் பேருந்து நிலையத்தில் சில ஆண்டுகளுக்கு முன்பு ஹைமாஸ் விளக்கு பொருத்தப்பட்டது. இதனால் பேருந்து நிலையத்தை சுற்றியுள்ள பேரூராட்சி அலுவலகம், காவல்நிலையம், மகளிர் காவல்நிலையம், மீன் விற்பனை நிலையம் உள்ளிட்டவை அமைந்துள்ளது. இப்பகுதி எப்போதும் மக்கள் நெரிசல் மிகுந்து காணப்படும். இந்நிலையில் கடந்த சில மாதங்களாக ஹைமாஸ் விளக்கு எரியாமல் உள்ளது. இதனால் அப்பகுதி இருள் சூழ்ந்து காணப்படுவதால் பொதுமக்கள், வாகன ஓட்டிகள் உள்ளிட்ட அனைத்து தரப்பு மக்களும் கடும் சிரமத்திற்கு உள்ளாகியுள்ளனர். பொதுமக்கள் நலன் கருதி உடனடியாக ஹைமாஸ் விளக்கு எரிய பேரூராட்சி நிர்வாகம் நடவடிக்கை எடுக்க வேண்டும்.